Dc Rorya Dkt Haule alitembelea na kukagua ujenzi wa madarasa 2 na ofisi mmoja ya Walimu shule mpya ya sekondari Kirongwe.

Tarehe ya Kuwekwa: September 19th, 2024

Tarehe 19/9/2024 Dc Rorya Dkt Haule alitembelea na kukagua ujenzi wa madarasa 2 na ofisi mmoja ya Walimu shule mpya ya sekondari Kirongwe.

Ujenzi wa majengo hayo unafadhiliwa  na Eng.  David mzaliwa wa kijiji cha Kirongwe anayefanyakazi inchini Australia.

Eng. David atajenga madarasa 4 na ofisi moja kisha atakabidhi majengo kwa serikali ili iweze kuendesha shule ya Sekondari.

Akikagua ujenzi huo, Dc Rorya alimshukuru sana Eng. David kwa kukubali kujenga shule ili kuwapunguzia watoto kutembea umbali wa km 20 kila siku kwenda shule ya Sekondari Bukura.

Shule hiyo mpya itapunguza utoro, mimba na uvutaji bangi sababu itakuwa karibu na makazi yao.

Amesisitiza kijiji kuendelea kuchangia maji na shughuli nyingine ndogondogo za ujenzi.

Amemwagiza mhandisi wa Halmashauri kufanya ukaguzi mara kwa mara ili kuhakikisha ujenzi unafanywa kwa viwango vya serikali.