Kitengo cha TEHAMA

Kitengo cha TEHAMA

 Kitengo cha Teknolojia ya Habari na Mawasiliano (TEHAMA) kilianzishwa rasmi katika halmashauri ya Rorya mwaka 2012. Hiki ni miongoni mwa vitengo sita (06) vyenye hadhi ya Idara na hivyo mkuu wake wa kitengo huripoti moja kwa moja kwa Mkurugenzi Mtendaji wa Wilaya. Kwa sasa kitengo kina watumishi 2 kati ya watumishi 6 wanahohitajika. Ikama ya kitengo kinahitaji Mkuu wa Kitengo mmoja (01), Maafisa TEHAMA watatu (03), Afisa Habari mmoja (01) na Afisa mahusiano au Mratibu wa dawati la malalamiko mmoja (01).

Majukumu ya kitengo :

• Kuiwezesha halmashauri mazingira bora ya kuharakisha shughuli zake za kifedha, utawala bora na maendeleo kwa njia ya kielektroniki.
• Kuandaa na kusimamia mifumo ya kompyuta inayotumika katika halmashauri.
• Kurekebisha mifumo ya kompyuta, vifaa vya TEHAMA na mtandao (network) ya halmashauri.
• Kuishauri halmashauri na uongozi wa halmashauri, wakuu wa idara na vitengo kuhusu maswala ya matumizi sahihi na bora ya mifumo na vifaa vya kompyuta.
• Kukusanya na kutunza kumbukumbu ya picha, sauti na video, habari na matukio mbalimbali ya halmashauri kwa faida ya baadae.
• Kupokea malalamiko kupitia dawati la malalamiko, kuyashughulikia na kuyatatua au kuyafikisha hatua zingine kwa utatuzi na maamuzi.
• Kusimamia mifumo ya mapato, afya, utumishi, elimu, kilimo, ujenzi na mifumo mingine inayotumika halmashauri.

Changamoto 

• Ikama ya watumishi wa kitengo haijakamilika Mfano, ukosefu wa Afisa Habari.
• Ukosefu wa vitendea kazi kama kompyuta, printa, photocopy, kamera, simu.
• Bajeti finyu ya kuendeshea shughuli za kusimamia mifumo.

Utatuzi wa Changamoto

• Kuweka katika bajeti maombi ya watumishi kwa menejimenti ya utumishi ya Umma.
• Maombi ya vitendea kazi kupitia bajeti ya Halmashauri na wadau.
• Kitengo kuongezewa bajeti na kuletwa kwa wakati.